ՀՅԴ երիտասարդների հետ Արայիկ Հարությունյանի հանդիպման վերաբերյալ որեւէ պայմանավորվածություն չկա. ԿԳՄՍՆ

ՀՅԴ ՀԵՄ-ն այսօր հայտարարություն է տարածել, որում նշվում է, թե իբր վաղը ժամը 15:00-ին նախատեսված է հանդիպում ՀՀ ԿԳՄՍ նախարար Արայիկ Հարությունյանի հետ. հայտնում ենք, որ սա ապատեղեկատվություն է, և հանդիպման որևէ պայմանավորվածություն չկա։ Այս մասին, Yerkir.am-ի հաղորդմամբ, հայտարարություն է տարածել ԿԳՄՍ նախարարությունը:

Հաղորդագրությունում նաեւ ասվում է. «ԿԳՄՍՆ-ն նախապես հստակ տեղեկացրել է «Բարձրագույն կրթության և գիտության մասին» ՀՀ օրենքի նախագծի վերաբերյալ կարծիք արտահայտելու և առաջարկներ անելու հարթակների մասին։ Կոչ ենք անում քննարկումներին մասնակցել այդ հարթակներում։

Հիշեցնում ենք, որ օրենքի նախագծի վերաբերյալ բոլոր առաջարկները կարող եք ուղարկել [email protected] հասցեին»:

Ավելի վաղ տեղեկացրել էինք, որ դեկտեմբերի 3-ին ժամը 15։00-ին ԿԳՄՍ նախարարության շենքի դիմաց սպասելու ենք Արայիկ Հարությունյանին՝ մեր պահանջները անձամբ ներկայացնելու համար