Յուպիտերի արբանյակի մակերևույթին ջուր կա. NASA

Օդագնացության և տիեզերական տարածության հետազոտությունների ազգային գործակալության (ՆԱՍԱ) Գոդարի անվան տիեզերական հետազոտությունների ինստիտուտի գիտնականներն առաջին անգամ հավաստել են ջրի գոլորշու առկայությունը Յուպիտերի արբանյակներից մեկի՝ Եվրոպայի մակերևույթին. ըստ Yerkir.am-ի՝  նշվում է գործակալության պաշտոնական կայքում:

«Հիմնական քիմիական տարրերը (ածխածին, ջրածին, թթվածին, ազոտ, ֆոսֆոր և ծծումբ) և Էներգայի աղբյուրները՝ կյանքի համար երեք անհրաժեշտ պայմաններից երկուսը, հանդիպում են ամբողջ Արեգակնային համակարգում: Բայց երրորդ տարրը՝ հեղուկ ջուրը, այն նյութն է, որը դժվար է գտնել Երկիր մոլորակի սահմաններից դուրս»,- ասել է ՆԱՍԱ-ի մոլորակագետ Լուկաս Պագանինին ու հավելել. «Դեռևս գիտնականներն ուղղակիորեն հեղուկ ջուր չեն հայտնաբերել: Մենք գտել ենք ըստ կարևորության հաջորդ բանը՝ ջուրը՝ գոլորշու ձևով»:

Նշենք, որ Պագանինին հետազոտության ղեկավարն է: 

Հայտնագործությունը կատարվել է Հավայան կղզիներում NASA-ի աստղադիտակի միջոցով արբանյակի դիտարկումների շնորհիվ: