Այս նկարն այսօրվա նիստից է. Արեն Ափիկյան

Բիզնես-խորհրդատու Արեն Ափիկյանն, ըստ Yerkir.am-ի,  ֆեյսբուքյան իր էջում գրառում է կատարել՝ անդրադառնալով այսօրվա ԱԺ նիստին: 

Նա, մասնավորապես, նշել է.

«Հիշում եմ էն վատ, արնախում, կոռումպացված ռեժիմի ժամանակ, որ սենց տեսարան էլ լինում ԱԺ դահլիճից, մեր ամենամաքուր, ամենաազնիվ, ամենաամենա այն ժամանակ ընդդիմադիր, իսկ հիմա իշխանական գործիչները և ԶԼՄ-ներն ասում էին` տեսեք մեր փողերով ապրող պատգամավորներն ինչպես են վերաբերվում իրենց աշխատանքին, օրերով չեն գալիս խորհրդարան, կարևոր օրենքների քննարկումներին չեն մասնակցում և այլ սրտաճմլիկ բաներ:

Այս նկարն այսօրվա ԱԺ նիստից է: Ու չասեք` ընդմիջում էր, մարդ ա ելույթ ունենում ու քննարկում են ոչ ավել ոչ պակաս քայլարածների սիրած թեման` կոռուպցիայի դեմ պայքարը»:

Հիշեցնենք, որ այսօրվա ԱԺ նիստի օրակարգում էր կոռուպցիայի կանխարգելման հանձնաժողովի անդամների ընտրության հարցը: