Պոկում վարժությունից հետո Գոռ Մինասյանը 2-րդն է, Ռուբեն Ալեքսանյանը՝ 6-րդը. ծանրամարտի ԱԱ

Թաիլանդում ավարտվում է ծանրամարտի աշխարհի առաջնությունը: Այսօր մրցահարթակ են դուրս եկել գերծանրքաշային ծանրորդները: Նրանց թվում, ինչպես արդեն նշել էինք, նաև հայազգի երկու մարզիկներ կան՝ Գոռ Մինասյանն ու Ռուբեն Ալեքսանյանը: Արդեն ավարտվել են մրցումները պոկում վարժությունում:

Գոռ Մինասյանը հաջող է կատարել իր բոլոր մոտեցումները` բարձրացնելով 200, 207 ապա 212 կգ կշռող ծանրաձողը: Սա առայժմ երկրորդ ցուցանիշն է:

Իսկ Ռուբեն Ալեքսանյանը միայն երրորդ մոտեցմամբ կարողացավ բարձրացնել 192 կգ կշռող ծանրաձողը: Ռուբեն Ալեքսանյանն առայժմ 6-րդն է: Հիշեցնենք, որ նա ավելի ուժեղ է հրում վարժությունում:

Առաջատարը վրացի Լաշա Տալախաձեն է: Նրա ցուցանիշը 220 կգ է:

Shantnews.am