Իտալական «Agenzia DIRE»-ն անդրադարձել է Հայաստանին

Յակոպո Ֆրենկուելուչին ինստիտուցիոնալ ոլորտի իտալական լրատվական ամենակարևոր գործակալություններից մեկի՝ «Agenzia DIRE»-ի համար գրված իր հոդվածում մանրամասնորեն պատմում է Հայաստանի տեխնոլոգիական ոլորտի մասին՝ Արմաթից մինչև ԹՈՒՄՈ և ՔՈԱՖ ՍՄԱՐԹ կենտրոն: Մոտ 30 000 քմ տարածք զբաղեցնող և 3 միլիոն բնակչություն ունեցող ցամաքային այս երկրին հաջողվել է կերտել իր ապագան՝ ներդրումներ կատարելով բարձր տեխնոլոգիաների ոլորտում։

Ինչպես Ֆրենկուելուչին է ընդգծում, այս կերպ Հայաստանը վերադառնում է իր արմատներին՝ որպես «գիտական ներուժ ունեցող երկիր», նախկին Սովետական Միության տեխնոլոգիական կենտրոն, իսկ այժմ Հարավային Կովկասի Սիլիկոնային հովիտ, որը շուտով հյուրընկալելու է 32-րդ «WCIT 2019» ՏՏ համաշխարհային համաժողովը։

Յակոպո Ֆրենկուելուչին մասնակցել է «Հայաստանի եվրոպացի բարեկամներ» (EuFoA) կազմակերպության և «WCIT 2019»-ի կողմից հուլիսին կազմակերպված մամլո այցին։ Վերջիններս ցուցաբերել են կազմակերպչական և նյութատեխնիկական օժանդակություն համաժողովին այցելած լրագրողներին։

Ամբողջական հոդվածը՝ https://www.dire.it/25-09-2019/371124-reportage-come-si-ricrea-un-paese-di-nerd-la-svolta-delleducazione-in-armenia/