Առաջիկա ամիսներին ՀՀ նախկին վարչապետ Կարեն Կարապետյանը քաղա­քական հանդիպումների շարք է նախաձեռնելու. «Փաստ»

««Փաստ» թերթի տեղեկություններով՝ առաջիկա ամիսների ըն­թացքում ՀՀ նախկին վարչապետ Կարեն Կարապետյանը քաղա­քական հանդիպումների շարք է նախաձեռնելու:

ՀՀ բիզնես շրջանակների հետ հանդիպելուց հետո, որը տեղի է ունեցել վեր­ջին մի քանի ամիսների ընթացքում, նա մտադիր է եկող տարեսկզբին քննարկումների փուլ նախաձեռնել ՀՀ քաղաքական դաշտում «խաղացող» առանցքային դերակատարների հետ, որի ժամանակ կքննարկեն ՀՀ քաղաքական դաշտի «փազլի» ապա­գան: Թերթի զրուցակիցը, որը չցանկացավ հրապարակել իր անունը և որը Կարապետյանի շրջապատից է, հայտնել է, որ տե­ղի ունեցած նախնական մի քանի հանդիպումների ընթացքում պարզվել է, որ ընդդիմադիր դաշտում գտնվող որոշակի անհատ­ներ և քաղաքական ուժերի ներկայացուցիչներ շահագրգիռ են Կարապետյանի այդ նախաձեռնության առումով և արդեն իսկ ընդունել են քննարկումների առաջարկը:

Չի բացառվում, որ Կա­րապետյանի հետ համագործակցելու հայտ ներկայացրած ուժե­րի մեջ լինեն նաև հանրության համար անակնկալ և անսպասելի դեմքեր»,-գրում է թերթը:

Մանրամասները՝ թերթի այսօրվա համարում։