Իդլիբում նոր հումանիտար աղետը կարող է մի քանի անգամ գերազանցել 2015 թվականի ճգնաժամը. Չավուշօղլու

Սիրիայի Իդլիբ նահանգում նոր հնարավոր հումանիտար աղետը ռազմական գործողությունների շարունակման դեպքում կարող է գերազանցել այս տարածաշրջանում 2015 թվականին տեղի ունեցած ճգնաժամը,հայտարարել է  Թուրքիայի ԱԳ նախարար Մևլութ Չավուշօղլուն: Հաղորդում է  РИА Новости-ն: 

«Աստանայում և Սոչիում մենք Ռուսաստանի և Իրանի հետ գործադրում ենք ջանքեր՝ Սիրիայի խնդրի կարգավորման հարցով: Վերջին շրջանում (սիրիական) ռեժիմը խախտում է Իդլիբում հրադադարը, և մենք անում ենք հնարավոր ամեն ինչ, որպեսզի կանխենք դա: Ես կոչ եմ անում բոլորին աջակցել Իդլիբում մեր ջանքերին, այլապես նոր հումանիտար աղետը կարող է մի քանի անգամ գերազանցել 2015 թվականի ճգնաժամը»,- հայտարարել է Չավուշօղլուն Անկարայում Թուրքիայի դեսպանների 11-րդ խորհրդաժողովում ելույթի ընթացքում: