Դեսպան Մինասյանը հանդիպել է Ռումինիայի երիտասարդության և սպորտի նախարարության պետքարտուղարի հետ

Ռումինիայում ՀՀ դեսպան Սերգեյ Մինասյանը հուլիսի 25-ին հանդիպել է Ռումինիայի երիտասարդության և սպորտի նախարարության պետքարտուղար Ռեմուս Մունտեանույի (Remus Munteanu) հետ. տեղեկացրեցին ՀՀ ԱԳՆ Լրատվության և հանրային դիվանագիտության վարչությունից:

Հանդիպման ընթացքում կողմերը քննարկեցին երիտասարդության և սպորտի ոլորտում համագործակցության հետագա հեռանկարները, ինչպես նաև Հայաստանի և Ռումինիայի ներկայացուցիչների մասնակցությունը երկու երկրներում նշյալ ոլորտներում կազմակերպվող միջոցառումներին:

Հանդիպման ընթացքում ձեռք բերվեց պայմանավորվածություն կազմակերպել ոլորտային մասնագետների հանդիպումներ` երկկողմ հետաքրքրություն ներկայացնող հարցերի քննարկման ու փոխգործակցության հաստատման նպատակով: