Արցախի խորհրդարանը կգումարի արտահերթ նստաշրջան

Արցախի ԱԺ նախագահ Աշոտ Ղուլյանը հուլիսի 18-ին ստորագրել է որոշում՝ ԱՀ Սահմանադրության 114-րդ և «Ազգային ժողովի կանոնակարգ» օրենքի 40-րդ հոդվածների համաձայն, հուլիսի 22-ին ժամը 11:00-ին ԱԺ արտահերթ նստաշրջան գումարելու մասին:

Արտահերթ նստաշրջանը կգումարվի ԱՀ Նախագահի նախաձեռնությամբ, իր իսկ սահմանած օրակարգով, որը ներառում է Ընտրական օրենսգրքի և կից ներկայացված օրենքների նախագծերի փաթեթի (երկրորդ ընթերցում), «Կուսակցությունների մասին» օրենքի (երկրորդ ընթերցում) և «Տեղեկատվական տեխնոլոգիաների ոլորտի պետական աջակցության մասին» օրենքի և կից ներկայացված օրենքների նախագծերի փաթեթի (երկրորդ ընթերցում) վերաբերյալ հարցերը։