Զարուհի Բաթոյանի հրամանով աշխատանքից ազատվել է ՍԱԾ պետի տեղակալ Արսեն Օհանյանը

Աշխատանքի և սոցիալական ծառայության նախարար Զարուհի Բաթոյանի հրամանով աշխատանքից ազատվել է ՀՀ աշխատանքի և սոցիալական հարցերի նախարարության ենթակայությամբ գործող Սոցիալական ապահովության ծառայության պետի տեղակալ Արսեն Օհանյանը։ Yerkir.am-ի աղբյուրները հաստատում են տեղեկության իսկությունը:  

Ավելի վաղ տեղեկացրել էինք, որ մամուլում տեղեկություններ էին տարածվել« որ օրերս Սոցիալական ապահովության  ծառայության  (ՍԱԾ) պետի տեղակալ,  նախկին ակտիվիստ Արսեն Օհանյանը «Ֆեյսբուք»-ով, ի լուր աշխարհի, հայտարարել էր, թե  պետական  համակարգում ներքին լարվածություն կա: Եվ նկատենք, անկախ այն բանից, թե ինչ բովանդակություն ունի  պաշտոնյայի գրառումը, միեւնույն է,  երեւույթն ինքնին խոսում է այն կարեւորագույն խնդրի մասին, որ  պետական կառավարման օղակներում իրավիճակը դուրս է եկել «կոնտրոլից», եւ շունը տիրոջը չի ճանաչում: Այլ հարց է, թե ինչո՞ւ է  խնդիրը պետական ծառայողը հանրայնացնում,  եւ այն էլ՝ «հեղափոխական» պաշտոնյան՝ իր «հեղափոխական» ղեկավարի դեմ: