Մենք վաղուց էինք առաջարկում` բացվի. Ծառուկյանը՝ քառօրյա պատերազմի քննիչ հանձնաժողովի մասին

ԲՀԿ խմբակցության ղեկավար Գագիկ Ծառուկյանը, անդրադառնալով խորհրդարանում ապրիլյան քառօրյա պատերազմի հանգամանքներն ուսումնասիրող քննիչ հանձնաժողով ստեղծելու հանգամանքին, ասաց` վաղուց ենք կողմ դրան: Ավելին` տևական ժամանակ իրենք են առաջարկել, որ «բացվի» այդ հանձնաժողովը:

Նա, ըստ էության, չհերքեց այսօր մամուլում տեղ գտած լուրն այն մասին, թե հարցաքննվել է Մարտի 1-ի գործով: «Այդ հարցերին պատասխանել եմ, արդեն հերիք է, ես շարունակելու բան չունեմ»,- նշեց պատգամավորը:

Նշենք, որ այսօր խորհրդարանում մեկնարկել է Ապրիլյան պատերազմի հանգամանքներն ուսումնասիրող ժամանակավոր հանձնաժողովըի անդրանիկ նիստը:

Ըստ ԱԺ կանոնակարգ- օրենքի` սահմանադրական օրենքը պահանջում է, որ պաշտպանության ոլորտին առնչվող հարցերի ուսումնասիրության համար քննիչ հանձնաժողովի գործառույթներն իրականացնի ոլորտին առնչվող մշտական հանձնաժողովը: