Այսօր այս կազմով կառավարության վերջին նիստն է. Նիկոլ Փաշինյան

Կառավարության նիստի սկզբում ՀՀ վարչապետ Նիկոլ Փաշինյանը հայտարարեց, որ արդեն ուժի մեջ է մտնում կառավարության կառուցվածքի վերաբերյալ նոր օրենքը, և սա գործադիրի վերջին նիստն է այս կազմով:

Վարչապետը շնորհակալություն հայտնեց գործընկերներին, նաև նրանց, ում հետ այլևս չեն շարունակի աշխատել: Նա նշեց, որ թվում է, թե փոփոխությունները չափից ավելի երկար քննարկվել են, վերլուծվել:

«Մենք համոզված ենք, որ դա ճիշտ որոշում է, և համոզված եմ, որ ճիշտ որոշման արդյունքում մենք ունենալու ենք դրական արդյունքներ այն առումով, որ մեծանալու է կառավարության աշխատանքի որակը, որից, եկեք խոստովանենք,  ինքներս էլ առանձնապես գոհ չենք, և մեծանալու է կառավարության մոբիլության մակարդակը, նաև, ի վերջո, պետք է խթան հանդիսանա տնտեսական այն տեսլականի համար, որ նախանշված է կառավարության և «Իմ քայլը» դաշինքի ծրագրում»,- ասաց Փաշինյանը: