Գերմանական թերթը գաղտնի նյութեր է հրապարակել ԵՄ-ի և ԱՄՆ-ի միջև առևտրային համաձայնագրի վերաբերյալ

ԶԼՄ-ներում հրապարակվել են մի քանի գլուխներ, այսպես կոչված, Տրանսատլանտյան առևտրային և ներդրումային գործընկերության (TTIP) վերաբերյալ: 240 էջանոց նյութից հետևում է, որ Վաշինգտոնի ճնշումը Բրյուսելի վրա շատ ավելին է, քան ենթադրում էին պայմանագրի հակառակորդները. հայտնում է rosbalt.ru-ն:

«Վաշինգտոնը սպառնում է նվազեցել ավտոմեքենաների ներկրումը ԵՄ երկրներից, եթե Միությունը հրաժարվի գնել ամերիկյան արտադրանքը»,- գրում է գերմանական Süddeutsche Zeitung թերթը` վկայակոչելով գաղտնի նյութեր, որոնք տրամադրել է Greenpeace կազմակերպությունը:

Միաժամանակ, ԱՄՆ-ը դժգոհ է Եվրոպական սպառողական շուկայի քաղաքականությունից և պահանջել է, որի ԵՄ-ի սկզբունքը, համաձայն որի` ապրանքը կարող է վաճառքի հանվել միայն այն դեպքում, երբ ապացուցված է դրա անվնասությունը մարդու առողջության և շրջակա միջավայրի համար, վերացվի:

Մինչ այս նյութերի հրապարակումը, պայմանագրի կողմերը հայտարարում էին, որ ԱՄՆ-ը հարգանքով է վերաբերվում եվրոպացիների մտահոգություններին, սակայն, ըստ թերթի, իրականում այլ պատկեր է: 

Գերմանիայի իշխանությունները հրաժարվել են մեկնաբանել գաղտնի փաստաթղթերի հրապարակումից հետո ստեղծված իրավիճակը: Ավելի վաղ ԳԴՀ կառավարության պաշտոնական ներկայացուցիչ Շտեֆեն Զայբերտը հայտարարել էր, որ կառավարությունը ենթադրում է TTIP հարցով բանակցություններն ավարտել մինչև 2016-ի վերջը: