Հուսով ենք, որ մի օր Հայոց ցեղասպանությունը Թուրքիայի կողմից ևս կճանաչվի. ֆին ցեղասպանագետ

«Արցախպրես»-ի  թղթակցի  հետ  զրույցում   Սվանտե  Լունդգրենն ասել է, որ  ինքը   հաճախ է  եղել Հայաստանում, բայց   միշտ  երազել  է  լինել  Արցախում,  և այն  այս   անգամ  իրականություն  է  դարձել:

Ցեղասպանագետի   խոսքով՝   իր  ընկերներից  շատերն  են  եղել  Արցախում,  և  բոլորն  էլ   հիացած  են   այս  երկրի     հրաշք   բնությամբ  ու  ժողովրդով:   Արցախ   գալու  իր  նպատակներից  է   ավելի  մոտիկից   ծանոթանալ   Արցախի  պատմությանը,   հակամարտության  խնդրին, ինչպես  նաև   լսել  մարդկանց   տեսակետները:

 

«Արցախը տեսնում  եմ  Ցեղասպանության  հարացույցում, որովհետև   եթե  Ղարաբաղյան  հակամարտությունը 1990-ական  թվականներին  այլ  ավարտ  ունենար, ապա  շատ  հավանական  է, որ    այստեղ   կլիներ  մեկ  այլ  1915  թվական: Հայոց  Ցեղասպանության  100-ամյակը   շատ  յուրօրինակ  էր:  Սա  մի  տարեթիվ  է, որն  մարդկության  համար առիթ  է  կրկին      խոսել    Ցեղասպանություն   երևույթի  մասին: Իրականում   շատ  երկրներ  են  ճանաչել  Հայոց  ցեղասպանությունը, այդ  թվում   և  Շվեդիայի  ազգային  պալատը:  ԱՄՆ-ն  ևս պետք  է   ճանաչի  Հայոց  Ցեղասպանությունը,  և   ավելի  մեծ  ճնշում  գործադրի  Թուրքիայի  վրա՝  սեփական  պատմության  հետ   առերեսվելու  համար: Հուսով  ենք, որ  մի  օր   Հայոց   ցեղասպանությունը  Թուրքիայի  կողմից  ևս  կճանաչվի»,-մասնավորապես  ասել  է  Սվանտ  Լունդգրենը: