Լիբիայում բախումների հետևանքով 51 մարդ է զոհվել

Լիբիայում մարշալ Խալիֆա Հաֆթարի ազգային բանակի և Ազգային համաձայնության կառավարության ուժերի միջև բախումների հետևանքով զոհվել է 51 մարդ: Այդ մասին, ըստ Minval.az-ը, գրում է Associated Press-ը:

Նշվում է, որ զոհվածների թվում են ինչպես զինվորականներ, այնպես էլ քաղաքացիական անձինք:

Լիբիայի ազգային բանակը, մարշալ Խալիֆա Հաֆթարի գլխավորությամբ, փորձում է գրավել մայրաքաղաք Տրիպոլին:

Հակամարտությունն ունի 8 տարվա պատմություն: Երկրում երկիշխանություն է՝ արևելքում իշխում է ընտրված խորհրդարանը, իսկ Տրիպոլիում, այսինքն՝ արևմուտքում՝ ՄԱԿ-ի և ԵՄ-ի աջակցությամբ կազմավորված կառավարությունը: Արևելյան հատվածի իշխանությունները գործում են Տրիպոլիից անկախ և համագործակցում են Լիբիական ազգային բանակի հետ: