ՀՅԴ ներկայացուցիչները հանդիպել են Եվրոպական ֆորումի տեղեկահավաք պատվիրակության հետ

Այսօր ՀՅԴ Բյուրոյի Երեւանի «Քրիստափոր Միքայելյան» կենտրոնում տեղի է ունցել ՀՅԴ պատվիրակության հանդիպումը Համերաշխության և Ժողովրդավարության Եվրոպական ֆորումի (European Forum for Democracy and Solidarity) գիտնականներից և եվրոպական հիմնադրամների ներկայացուցիչներից կազմված պատվիրակության հետ: Տեղեկահավաք այցը մաս է կազմում Արևելյան Եվրոպայում ժողովրդավարության զարգացումներն ուսումնասիրող ծրագրին, որին աջակցում է Եվրոպական սոցիալիսական կուսակցությունը (PES)։

Հանդիպման ընթացքում ՀՅԴ Բյուրոյի նախագահ Արմեն Ռուստամյանը, ողջունելով հյուրերին, կարևորել է նրանց առաքելությունը տարածաշրջանում և հատկապես Հայաստանում՝ միտված ժողովրդավարության զարգացումների ուսումնասիրությանը։ Արմեն Ռուստամյանը ներկայացրել է Հայաստանում վերջին քաղաքական զարգացումները, հասարակության տրամադրությունները, երկրի առաջ ծառացած մարտահրավերները և այլն։

ՀՅԴ Գերագույն Մարմնի ներկայացուցիչ Իշխան Սաղաթելյանը խոսել է Դաշնակցության առաջիկա աշխատանքների, որպես արտախորհրդարանական ուժ՝ թե՛ ներքին թե՛ արտաքին քաղաքականության մեջ դերակատարության մասին։ ՀՅԴ Հայաստանի ԳՄ ներկայացուցիչը Ֆորումի պատվիրակությանը տեղեկացրել է նաև, որ Գերագույն Մարմինի կողմից կյանքի կոչված որորտային հանձնախմբերը մեծ ծավալի աշխատանքներ են իրականացնում՝ կառավարության գործունեությունը մշտապես պահելով ուշադրության կենտրոնում:

Համերաշխության և Ժողովրդավարության Եվրոպական ֆորումը հիմնադրվել է 1993 թվականին ԵՄ անդամ մի շարք երկրների սոցիալ֊-դեմոկրատական կուսակցությունների և հիմնադրամների կողմից` նպատակ ունենալով տարբեր երկրներում և աշխարհամասերում խթանել ընկերվարական և ժողովրդական արժեքների զարգացումը։

ՀՅ Դաշնակցությունը Եվրոպական սոցիալիսական կուսակցության անդամ է։

ՀՅԴ ՀԱՆՐԱՅԻՆ ԿԱՊԵՐԻ ԳՐԱՍԵՆՅԱԿ

2019թ. մարտի 29