Ջիգարխանյանի ընկերը պատմել է նրա առողջական վիճակի մասին

ԽՍՀՄ ժողովրդական արտիստ Արմեն Ջիգարխանյանն իրեն լավ է զգում, սակայն իր թատրոն դեռ չի հաճախում: Այդ մասին դերասանի ֆեյսբուքյան պաշտոնական էջում գրել է նրա ընկեր Արթուր Սողոմոնյանը. հայտնում է РИА Новости-ն:

«Մեր մետրն իրեն լավ է զգում, լրագրողների հետ չի շփվում, ակտիվորեն զբաղվում է  վերականգնմամբ, ամեն օր զբոսանքի է դուրս գալիս ընկերների հետ: Թատրոն հաճախելը դեռ դժվար է, բժիշկները խորհուրդ են տալիս նախ լավ առողջանալ և միայն դրանից հետո անցնել աշխատանքի»,- գրել է նա:

Հիշեցնենք, որ Ջիգարխանյանի առողջական վիճակը կտրուկ վատթարացավ 2017-ի հոկտեմբերին, դերասանը հայտնվեց հիվանդանոցում և ավել ուշ  հայտարարեց, որ պատրաստ  չէ ներել իր կնոջը` Վիտալինային, որն իրեն «շատ ցավ է պատճառել»: