Նոր Զելանդիայում իրականացված ահաբեկչության տեսանյութը` Էրդողանի հանրահավաքում

Ռեջեփ Թայիփ Էրդողանի նախընտրական հանրահավաքում ցուցադրվել Նոր Զելանդիայում իրականացված ահաբեկչության տեսանյութը, որը  «Ֆեյսբուք»-ի, «Յութուբ»-ի և այլ սոցցանցերի կողմից արգելափակվել էր: Ամերիկյան Bloomberg պարբերականի համաձայն` Էրդողանը, որի ելույթները լի են պահպանողական, կրոնական երանգներով,  մզկիթի վրա հարձակման տեսանյութն օգտագործում է քարոզչական նպատակներով:  

Ահաբեկչի` իրեն և Թուրքիային թիրախավորելու հայտարարությունը մեջբերելով` Էրդողանը թիրախավորում է իր գլխավոր մրցակից` քեմալական ՀԺԿ-ի նախագահ Քեմալ Քըլըչդարօղլուին, որը հայտարարել էր, որ «ահաբեկչությունը արմատավորվել է իսլամական աշխարհում»:

ՀԺԿ փոխնախագահ Ֆաիք Օզթրաքը, ի պատասխան Էրդողանի, հայտարարել էր. «Մի քանի ձայն ավելի հավաքելու համար արժե՞ր ցուցադրել արյունահեղության տեսարանները»: