Դրոն ու Սոսեն. պատմական բացառիկ լուսանկար

Պատմաբան Ռուբեն Շուխյանն իր ֆեյսբուքյան էջում հրապարակել է բացառիկ պատմական լուսանկար՝ Արևմտյան Հայաստանի ազգային ազատագրական պայքարի փառապանծ հերոս Աղբյուր Սերոբի այրի ու հավատարիմ զինակից Սոսե Մայրիկի և Դրաստամատ Կանայանի՝ Դրոյի, Հայաստանի Առաջին Հանրապետության վերջին ռազմական նախարարի 1947 թվականին  Եգիպտոսում արված լուսանկարը։

«Նրանց և Հայաստանից պարտադրված արտագաղթած տասնյակ հազարավոր նվիրյալ հայորդիների պայքարը հայաստանյան նոր սերունդը հասցնելու էր իր տրամաբանական ավարտին. 1991-ին Հայաստանը կրկին դառնալու էր ազատ ու անկախ, հաղթելու էր Արցախյան պատերազմում, և Սոսեի ու Դրոյի մասունքներին հնարավորություն էր տրվելու այսուհետ ննջելու արդեն հայրենի հողում՝ Եռաբլուրում և Բաշ-Ապարանում», - գրել է նա: