Զատուլինն առաջարկում է տարածքները վերադարձնել Բաքվին` Արցախի անկախության դիմաց

Արցախի անկախությունն արդեն հնարավոր չէ ջնջել: Այդ մասին ասել է ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը հայ-ռուսական Լազարյան ակումբի նիստում, որն անցկացվել է Մոսկվայում մարտի 5-6-ը. հայտնում է Арминфо-ն:

Նա ընդգծել է, որ Հայաստանի և Լեռնային Ղարաբաղի ճակատագրերը կապակցված են, և ոչ ոք չի կարող խզել Հայաստանի կապը Լեռնային Ղարաբաղի հետ:

«Արցախի անկախությունն այլևս հնարավոր չէ ջնջել, սակայն մնացած ամեն ինչը քննարկման ենթակա է»,- ասել է Զատուլինը:

Նա կարծիք է հայտնել, որ հակամարտության լուծումը կլիներ ռազմական գործողությունների ժամանակ զբաղեցրած տարածքների վերադարձը Բաքվին` Արցախի անկախությունը ճանաչելու դիմաց: