Մայքլ Ջեքսոնի ռանչոն վաճառվում է 31 մլն դոլարով

Ամերիկացի երգիր Մայքլ Ջեքսոնի Neverland ռանչոն 31 մլն դոլարով վաճառքի է դրվել: Այս մասին հայտնում է The Wall Street Journal-ը:

2015 թվականին այն ավելի թանկ էր գնահատված՝ 100 մլն դոլար, սակայն 2 տարի անց գինը զգալիորեն նվազել էր՝ հասնելով 67 մլն դոլարի: Դրանից հետո օբյեկտը անշարժ գույքի շուկայից հանվել էր:

Ռանչոն գտնվում է Սանտա Բարբարայից 64.4 կմ հեռավորությամբ և զբաղեցնում է 1000 հա-ից մի փոքր ավելի  հողատարածք: Շինությունների ընդհանուր մակերեսը կազմում է 1200 քառակուսի մետր, որոնց մեջ են մտնում 3 հյուրատները, կինոթատրոն-ստուդիան, թենիսի կորտը, լողավազանը եւ մի քանի օժանդակ կառույցներ:

Երգիչը ռանչոն գնել է 1987 թվականին 19,5 մլն դոլարով: