Մենք չենք մեկնաբանում անհատական գործեր՝ դրանց վրա չազդելու համար. ԵՄ հանձնակատարը՝ Քոչարյանի գործի մասին

ԵՄ հանձնակատար Յոհաննես Հաանը լրագրողների հետ հանդիպման ժամանակ ճիշտ չհամարեց մեկնաբանել ՀՀ երկրորդ նախագահ Ռոբերտ Քոչարյանի դեմ առաջադրված մեղադրանքը, և թե որքանով այս գործը քաղաքական դրդապատճառներ ունի:

«Ձեր կողմից միշտ ակնկալիքներ կան, որ կլինեն մեկնաբանություններ, բայց լինի հնչեղ, թե` պակաս հնչեղ գործ, մենք, սովորաբար, չենք մեկնաբանում անհատական գործեր, որովհետև դա, մեր համոզմամբ, իրավունքի գերիշխանության խնդիր է, դա դատական համակարգի գործն է, և մենք չպետք է մեկնաբանություն անենք, որպեսզի այս կամ այն ուղղությամբ չազդենք դրա վրա, ուստի խնդրում եմ հասկանալ և ըմբռնումով մոտենալ, որ ես չեմ անի մեկնաբանություն»,- ասաց եվրահանձնակատարը: