Ընթանում է ԱԺ նախագահի ընտրությունը. միակ թեկնածուն Արարատ Միրզոյանն է

Հայտնել էինք, որ  յոթերորդ գումարման Ազգային ժողովը հաստատել է հաշվիչ հանձնախմբի կազմը, այն կունենա 7 անդամ:

«Իմ քայլը» խմբակցությունից հանձնախմբում են Վահագն Հովակիմյանը, Արփինե Դավոյանը, Սիսակ Գաբրիելյանը, Քրիստինե Պողոսյանը, Մարիա Կարապետյանը, «Բարգավաճ Հայաստան» կուսակցությունից` Շաքե Իսայանը, «Լուսավոր Հայաստան»-ից` Աննա Կոստանյանը:

Հանձնաժողովը նախագահ է ընտրել «Իմ քայլ»-ից Վահագն Հովակիմյանին, իսկ քարտուղար` նույն խմբակցությունից Արփինե Դավոյանին:

Վահագն Հովակիմյանը հայտնեց, որ ԱԺ նախագահի ընտրությունը տեղի կունենա ժամը 13:30-ից 15:30-ն ընկած ժամանակահատվածում:

Այս պահին ընթանում է ԱԺ նախագահի ընտրությունը, միակ թեկնածուն «Իմ քայլը» խմբակցության առաջադրած թեկնածուն է` Արարատ Միրզոյանը:

Ի դեպ, «Լուսավոր Հայաստան» կուսակցության նախագահ Էդմոն Մարուքյանը հայտարարեց, որ իրենք միաձայն ընտրելու են Միրզոյանին: