Ռոբերտ Քոչարյանի գործը կհասնի ՄԻԵԴ

Արդեն տեղեկացրել էինք, որ ՀՀ երկրորդ նախագահ Ռոբերտ Քոչարյանի կալանավորման վերաբերյալ առաջին ատյանի դատարանի որոշումը վերաքննիչ դատարանը թողեց անփոփոխ, իսկ փաստաբանների բողոքները մերժեց:  Այս պահին Քոչարյանն ազատության մեջ է: Այսօր ՀՀ երկրորդ նախագահ Ռոբերտ Քոչարյանի փաստաբանական կազմը հանդես եկավ մամուլի ասուլիսով:

Հարցին, թե արդյո՞ք կդիմեն Մարդու իրավունքների եվրոպական դատարան, Հայկ Ալումյանը պատասխանեց. «Միանշանակ դիմելու ենք ՄԻԵԴ, ընդ որում` դիմելու ենք Վճռաբեկ դատարանին դիմելու հետ զուգահեռ: Վճռաբեկ դատարանը չենք համարում արդյունավետ դատական ատյան»:

Ինչ վերաբերում է ՍԴ դիմելու միջորդություններին, նա հայտնեց, որ դրանք մերժվել են: