Այս պահին Երևանում sett-weather
Փոխարժեքներ 09 11 2025
USD ⚊ $ 382.54
EUR ⚊ € 441.83
RUB ⚊ ₽ 4.7262
GBP ⚊ £ 501.4
GEL ⚊ ₾ 141.43
կարևոր
0 դիտում, 6 տարի առաջ - 2018-12-05 21:25
Արցախ

Արցախի խորհրդարանում ավարտվել են «Բյուջե-2019» նախագծի քննարկումները

Արցախի խորհրդարանում ավարտվել են «Բյուջե-2019» նախագծի քննարկումները

Քիչ առաջ Խորհրդարանում ավարտվել է ֆինանսաբյուջետային և տնտեսական կառավարման հարցերի մշտական հանձնաժողովի նիստը, որտեղ ամփոփվել են «ԱՀ 2019թ. պետական բյուջեի մասին» ԱՀ օրենքի նախագծի քննարկումները:

«Արցախպրես»-ի թղթակցի հաղորդմամբ՝ ամփոփելով կառավարության լիազոր ներկայացուցիչների կողմից ներկայացված նախագծերը և ի պատասխան պատգամավորների կողմից առաջադրված հարցերի՝ ԱՀ ֆինանսների նախարար Արթուր Հարությունյանն ասել է, որ քննարկումների ժամանակ մանրամասնորեն ներկայացվել են բոլոր հարցերը:

Իսկ ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի  նախագահ Արամ Գրիգորյանը ներկայացրել է փորձագիտական ծառայության եզրակացությունը, ըստ որի՝ նախագիծը համապատասխանում է ԱՀ Սահմանադրությանը, և այդ առումով առաջարկություններ չեն եղել:
 
««ԱՀ 2019 թվականի պետական բյուջեի մասին» ԱՀ օրենքի նախագծին առնչվող այլ օրենքների կամ ԱԺ որոշման անհրաժեշտությունը բացակայում է: Առաջարկում եմ քվեարկել, որպեսզի դրական եզրակացությամբ 2019 թվականի պետական բյուջեի մասին օրենքի նախագիծը լիագումար նիստին ներկայացվի առաջին ընթերցմամբ ընդունելու համար: Մինչև վաղը՝ ժամը 11:00-ն, խմբակցությունները և պատգամավորները կարող են ներկայացնել իրենց առաջարկությունները»,- մանրամասնել է Ա. Գրիգորյանը:
 
Նիստին ներկա ԱԺ ֆինանսաբյուջետային և տնտեսական կառավարման հարցերի մշտական հանձնաժողովի անդամներից երկուսը կողմ, իսկ մեկը ձեռնպահ են քվեարկել գլխադասային հանձնաժողովի դրական եզրակացությունն ընդունելու վերաբերյալ:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը