Ստեփանակերտում նշվել է Կոմիտասի անվան երաժշտական դպրոցի 80-ամյակը

ԱՀ մշակույթի, երիտասարադության հարցերի և զբոսաշրջության նախարարության և Ստեփանակերտի քաղաքապետարանի համատեղ նախաձեռնությամբ մայրաքաղաքի մշակույթի և երիտասարդության պալատում կազմակերպվել է Կոմիտասի անվան երաժշտական դպրոցի 80-ամյակին նվիրված տոնական համերգ:Այս մասին հաղորդում է artshakhpress.am-ը:

Միջոցառմանը  ներկայացվել  է  դպրոցի  80-ամյա  տարեգրությանը   նվիրված    լուսանկարների  ցուցահանդես: Կրթօջախի  սաները  հանդես  են  եկել  երաժշտական   կատարումներով:ԱՀ  մշակույթի, երիտասարդության   հարցերի  և  զբոսաշրջության   նախարար  Լեռնիկ  Հովհաննիսյանը, շնորհավորելով  դպրոցի   80-ամյակի  կապակցությամբ, ասել  է, որ  1938  թվականից  Կոմիտասի  անունը  կրող երաժշտական  դպրոցն Արցախում  հայ  ինքնության    պահպանման  հիմնական  օջախներից  մեկն  է դարձել: Քանզի   Լեռնային Ղարաբաղի ինքնավար  մարզում հայ մեծ երգահանի  անունը  կրելն  իսկ  մեծ  հերոսություն  է: