Թրամփը կարող է չեղարկել Պուտինի հետ հանդիպումը

ԱՄՆ նախագահ Դոնալդ Թրամփը Washington Post-ի հետ զրույցում չի բացառել, որ կարող է չեղարկել ՌԴ նախագահ Վլադիմիր Պուտինի հետ` Արգենտինայում` «Մեծ քսանյակ»-ի գագաթնաժողովի շրջանակում, սպասվող հանդիպումը Կերչի նեղուցում ստեղծված իրավիճակի պատճառով. հայտնում է РИА Новости-ն:

«Ինձ դուր չի գալիս այդ ագրեսիան: Ես ընդհանրապես չեմ ցանկանում ագրեսիա»,- ասել է նա:

ԱՄՆ նախագահը հավելել է, որ  ակնկալում է մոտ օրերս հատուկ ծառայություններից միջադեպի մասին ամբողջական հաշվետվություն ստանալ:

Կիրակի ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են: