С-300-ի մատակարարումը Սիրիա նվազագույնի է հասցրել Իսրայելի հաջող գրոհների հավանականությունը

Սիրիա С-300 համակարգերի մատակարարումը նվազագույնի է հասցրել այն հավանականությունը, որ Իսրայելի գրոհները Սիրիայի դեմ հաջող կլինեն: Այդ մասին РИА Новости-ին տված հարցազրույցում ասել է Սիրիայի բանակի քաղաքական վարչության ղեկավար Հասան Ահմադ Հասանը:

Նա միաժամանակ նշել է, որ ռազմական ռազմավարությունում գոյություն չունի «զրոյական հավանականություն» հասկացությունը, և իրենք չեն կարող ասել, որ այդ հավանականությունը  զրոյի է հասցված:

Հիշեցնենք, որ ՌԴ-ն որոշեց այդ համակարգերը Սիրիային տրամադրել այն բանից հետո, երբ Սիրիայում Իսրայելի գործողությունների հետևանքով ռուսական օդանավ կործանվեց, զոհվեց 15 զինվոր: