Չի բացառվում, որ համաներումից հետո հանցավորության մակարդակը բարձրանա. Արտակ Զեյնալյան

Նման  վերլուծություններ, վիճակագրություն եղել են, փորձ կա, որ, այո, համաներումից հետո հանցավորության մակարդակը բարձրանում է: Լրագրողների հետ նման կարծիք հայտնեց արդարադատության նախարարի պաշտոնակատար Արտակ Զեյնալյանը՝ պատասխանելով հարցին, թե մտավախություն չունե՞ք, որ համաներումից հետո հանցավորության մակարդակը կբարձրանա:

Նա նշեց նաև, թե չի բացառվում նաև, որ Հայաստանում նույնպես բարձրանա հանցավորության մակարդակը: «Բայց դա պարտադիր պայման չէ, այսինքն՝ կամ էլ այն չափով, ինչ չափով նախկինում եղել է, պարտադիր չէ, որ այդ չափով մեզ մոտ էլ բարձրանա: Այստեղ, բնականաբար, բոլորս անելիք ունենք, որ դա տեղի չունենա»,-ասաց Զեյնալյանը: