Վահագն Հարությունյանը զանգել է քննիչներին և ասել իր գտնվելու վայրը. ՀՔԾ պետ

ՀՔԾ պետք Սասուն Խաչատրյանը լավատես է, որ նոր բացահայտումները հնարավորություն կընձեռեն, որպեսզի Մարտի 1-ի գործը լիովին բացահայտվի: «Ես լավատես եմ, որ հենց այդպես էլ լինելու է»,- կառավարության նիստից հետո լրագրողների հետ զրույցում ասաց նա:

Հիշեցնենք, որ Մարտի 1–ի գործով մեղադրանք է առաջադրվել նախկին քննչական խմբի ղեկավար Վահագն Հարությունյանին,  նրա հանդեպ հետախուզում է հայտարարվել:

Խոսելով այդ մասին՝ ՀՔԾ պետը նշեց, որ Վահագն Հարությունյանը զանգահարել է քննիչներին և ասել, որ կարող է ասել իր գտնվելու վայրը: «Սակայն նա Երևան գալու վերաբերյալ ոչինչ չի ասել: Ինչ վերաբերում է հետախուզմանը, ապա հետախուզում հայտարարելը մեր իրավասության մեջ է, այն իրականացնելը՝ ոստիկանության»,- ասաց նա: