Ծառից կախված 28-ամյա երիտասարդի դի է հայտնաբերվել. երկտող է թողել

Սեպտեմբերի 17-ին, ժամը 08:59-ին «911» ծառայությանն ահազանգ է ստացվել, որ Երևան քաղաքի Թամանցիների փողոցում՝ «Վոլվո» ավտոսերվիսի մոտակայքում, ծառից տղամարդու դի է կախված. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարներն Արտաշատի խճուղու թիվ 2 հասցեի մոտակայքում ծառից իջեցրել են Ա. Տ.-ի (1990 թ.) դին:

Ըստ shamshyan.com-ի՝ պարզվել է, որ ծառից կախված տղամարդը Արարատի մարզի Նոր Խարբերդ գյուղի բնակիչ՝ 28-ամյա Արման Թ.-ն է։ Նրա մոտ հայտնաբերվել է նաև նամակ, որում, մասնավորապես, գրված է. «Իմ մահվան մեջ, խնդրում եմ, ոչ մեկին չմեղադրել»։