Ռուս փորձագետներն այցելել են ԱՄՆ-ի ֆինանսական աջակցությամբ բացված լաբորատորիաները. Փաշինյան

Ռուս փորձագետներն այցելել են կենսաբանական լաբորատորիաները, որոնք բացվել են ՀՀ-ում ԱՄՆ-ի ֆինանսական աջակցությամբ: Այդ մասին Коммерсантъ-ին տված հարցազրույցում ասել է ՀՀ վարչապետ Նիկոլ Փաշինյանը:

«Մոտ 10-15 օր առաջ, իմ անձնական հրահանգով, ռուս մասնագետներն այցելել են այդ լաբորատորիաներ»,- պատմել է  Փաշինյանը` հավելելով, որ դա ոչ մի կերպ չի կարող կիրառվել ՌԴ-ի դեմ: «Հակառակը` մենք հրավիրում ենք ռուս մասնագետների և պատրաստ ենք քննարկել այդ լաբորատորիաները  համատեղ կիրառելու հարցը»,- նշել է նա:

Коммерсантъ-ը հիշեցնում է, որ ավելի վաղ ՌԴ ԱԳՆ-ում անհանգստացած էին այն բանով,  որ ՌԴ-ի հարևան երկրներում` Վրաստանում, Հայաստանում, Ուկրաինայում, Ղազախստանում, նման լաբորատորիաներ են բացվել: