Ռուս խաղաղապահների աջակցությամբ՝ Շուշիի համալսարանի ուսանողներն այցելել են Ամարաս վանական համալիր. ՌԴ ՊՆ

Ուխտավորները, որոնց թվում էին նաև Շուշիի համալսարանի ուսանողները, Ստեփանակերտից և Մարտունիի շրջանում գտնվող վանական համալիրի մոտակա բնակացայրերից ժամանել են Ամարաս՝ եկեղեցական պատարագի մասնակցելու:

Ռուսական խաղաղապահ զորակազմի ներկայացուցիչ Մահմուդ Այբազովը նշել է, որ Սուրբ Ծնունդին ընդառաջ կտրուկ ավելացել է ուխտավորների քանակը, որոնք ցանկանում են այցելել սրբավայրեր: Խաղաղապահներն ուխտավորների անվտանգությունն ապահովում են ինչպես տեղաշարժման, այնպես էլ պատարագի ժամանակ:

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը