Դպրոցը գտնվում է լավագույն տնօրեններից մեկի ձեռքում. Հովհաննես Վարդանյանն այցելել է թիվ 130 դպրոց

Արաբկիր վարչական շրջանի ղեկավար Հովհաննես Վարդանյանն իր ֆեյսբուքյան էջում հայտնում է. «Այսօր այցելել եմ վարչական շրջանում գործող Նաիրի Զարյանի անվան թիվ 130 դպրոց: Շրջել եմ դպրոցի տարածքով, զրուցել երեխաների հետ: Ուզում եմ շնորհակալությունս հայտնել դպրոցի տնօրենին և ողջ պրոֆեսիոնալ անձնակազմին` երեխաների հանդեպ նման սրտացավ, բարի, հոգատար վերաբերմունք ցուցաբերելու համար: Այսօր ևս մեկ անգամ համոզվեցի, որ դպրոցը գտնվում է լավագույն տնօրեններից մեկի ձեռքում, ով ունի առողջ մանկավարժական, իր գործում գիտակ կոլեկտիվ, ովքեր անմնացորդ նվիրումով իրենց մասնագիտական գիտելիքները փոխանցում են մատաղ սերնդին»: