Ադրբեջանական կողմը պատրաստ չէ խաղաղ կարգավորման. Փաշինյան

ՀՀ վարչապետ Նիկոլ Փաշինյանը Բրյուսելից վերադառնում է Երևան: Օդանավակայանում նա ճեպազրույց է ունեցել լրագրողների հետ: Անդրադառնալով Ադրբեջանի հետ բանակցությունների ընթացքին,մասնավորապես Հայաստանի ու Ադրբեջանի ԱԳ նախարարների հանդիպման արդյունքներին,  Փաշինյանը նշեց, որ չի կարծում, թե ԱԳ նախարարների հանդիպումը շրջադարձային է եղել: Ըստ Փաշինյանի, կարելի է ասել, որ ԼՂ կարգավորման թեմայով դա առաջին հանդիպումն էր, ուստի պետք չէ մեծ ակնկալիքներ ունենալ առաջին հանդիպումից:

«Ադրբեջանական կողմը ադեկվատ ընկալում չունի, պատրաստ չէ խաղաղ կարգավորման, և անընդհատ ագրեսիվ վարքագիծ է դրսևորում, ուստի միջազգային հանրությունը պետք է արձանագրի դա: Մենք էլ պետք է արձանագրենք այս վիճակը և պատրաստ լինենք ցանկացած զարգացման:

Հարցին, թե արդյո՞ք սպասվում է հանդիպում  Հայաստանի վարչապետի ու Ադրբեջանի նախագահի միջև, Փաշինյանը նշեց, որ այս պահին նման խոսակցություն չկա: