Ալիևը կրկին խոսել է ադրբեջանցիների՝ «Հայաստան վերադարձի» մասին

Ադրբեջանի նախագահ Իլհամ Ալիևը օկուպացված Ստեփանակերտում անցկացվող Տնտեսական համագործակցության կազմակերպության գագաթնաժողովում իր ելույթի ժամանակ խոսել է ադրբեջանցիների՝ «Հայաստան վերադարձի ապահովման կարևորության մասին»։ Այս մասին հայտնել է ТАСС-ը։ Նա նաև նշել է, որ այս պահին օկուպացված Արցախում ու հարակից շրջաններում 50 հազար մարդ է բնակություն հաստատել։

Նշվում է, որ Մարտի 13-ին  Հայաստանը և Ադրբեջանը համաձայնեցրել են խաղաղության համաձայնագրի տեքստը և ավարտել բանակցային գործընթացը։ Երևանը հայտարարել է, որ սպասում է, որ Բաքուն առաջարկի փաստաթղթի ստորագրման վայր և ամսաթիվ։

Դրանից հետո Ադրբեջանի իշխանությունները նախապայմաններ են հնչեցրել, որ խաղաղության համաձայնագիր ստորագրելու համար Հայաստանը պետք է նախաձեռնի ԵԱՀԿ Մինսկի խմբի լուծարումը, ինչպես նաև սահմանադրությունից հեռացնի Անկախության հռչակագրի հղումը, որտեղ հիշատակվում է Լեռնային Ղարաբաղը։