Փաշինյանը հարյուրավոր CV-ներ է ստանում Սփյուռքից

Այսօր կառավարության անդմաների երդմնակալության արարողությունից հետո վարչապետ Նիկոլ Փաշինյանը պատասխանեց լրագրողների հարցերին: Հարցին, թե ինչ սպասումներ կան տնտեսության մեջ, վարչապետը նշեց, որ պետական մամինների վերլուծության համաձայն, տնտեսական գործընթացներն ունեն դրական միտումներ, սպասումները դրական են:

«Այս օրերին տասնյակ և հարյուրավոր CV-ներ են ստացվում Սփյուռքից: Ողջունում եմ այդ մարդկանց: Համբերությամբ պետք է զինվենք, որովհետև այդ կարգի մեծ տեղեկատվությունը մշակելը աշխատանք և ժամանակ է պահանջում: Հայաստանում տնտեսության զարգացման հիմքերից են  օրինականությունը, մրցակցային դաշտն ու  անկախ դատական համակարգը: Քաղաքական առումով մենք այսօր դա ունենք, մնում է  դա ամրագրվի ու վստահություն առաջացնի մարդկանց մոտ»,- ասաց Փաշինյանը:

Ըստ վարչապետի, պետությունը մի յուրատեսակ հատկանիշ ունի տնտեսության զարգացման գործում, այն է` չխանգարել այդ զարգացմանը: Ուստի կառավարությունը նախ չի խանգարի տնտեսության զարգացմանը և հետո արդեն կօգնի տնտեսության զարգացմանը: