Բակո Սահակյանն ընդունել է ՀՀ-ից և Սփյուռքից ժամանած երիտասարդներին

ԼՂՀ նախագահ Բակո Սահակյանը հուլիսի 7-ին ընդունել է «Դեպի Հայք» հիմնադրամի նախաձեռնությամբ Սփյուռքից եւ Հայաստանի Հանրապետությունից Արցախ ժամանած մի խումբ երիտասարդների:

Երկրի ղեկավարը բարձր է գնահատել «Դեպի Հայք» հիմնադրամի գործունեությունը Հայրենիքի եւ Սփյուռքի միջեւ հարաբերությունների ամրապնդման ուղղությամբ՝ այս աշխատանքը հատկապես պահանջված համարելով հայ ազգային ինքնության պահպանման եւ մատաղ սերնդի հայեցի դաստիարակության տեսանկյունից:

Հանդիպման ընթացքում Նախագահը պատասխանել է նաեւ երիտասարդների կողմից բարձրացված տարբեր հարցերի, անդրադարձել Արցախի ներքին եւ արտաքին քաղաքականության հիմնախնդիրներին: