86-րդ դիմումից հետո թուրքական դատարանը Փայլանին թույլատրել է բանտում տեսակցել Դեմիրթաշին

Թուրքիայում քրդամետ Ժողովուրդների դեմոկրատական կուսակցության հայ պատգամավոր Կարո Փայլանը կտեսակցի կուսակցության նախկին համանախագահ Սելահաթթին Դեմիրթաշին:

Միջանկյալ հիշեցնենք, որ Դեմիրթաշը 2016 թվականից կալանավորված է, սակայն նախագահական ընտրություններում ԺԴԿ-ի կողմից առաջադրվել է նախագահի թեկնածու:

Այդ մասին Փայլանը տեղեկացրել է թվիթերյան իր էջում: «Թուրքիայի արդարադատության նախարարը 18 ամիս հետո բավարարեց իմ դիմումը Սելահաթթին Դեմիրթաշին տեսակցելու վերաբերյալ։ Դա թվով 86-րդ դիմումս էր։ Եթե Դեմիրթաշին ունեք հարցեր, առաջարկություններ կամ ցանկանում եք ողջույն հղել նրան, որևէ տեսակետ հայտնել, ապա գրեք ինձ։ Վաղը կփոխանցեմ»,- գրել է պատգամավորը: