Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Մարտի 19-ին ԱԳ նախարար, Ֆրանկոֆոնիայի նախարարական համաժողովի նախագահ Էդվարդ Նալաբանդյանն ընդունեց Ֆրանսիայի Սենատի անդամ, Ֆրանկոֆոնիայի խորհրդարանական վեհաժողովի քաղաքական կոմիտեի ղեկավար Քրիստոֆ-Անդրե Ֆրասային և Ֆրանսիայի ԱԺ պատգամավոր Ժակ Մերին։
Ողջունելով հյուրերին՝ Էդվարդ Նալբանդյանը կարևորեց Ֆրանկոֆոնիայի խորհրդարանական վեհաժողովի կողմից Հայաստանում կազմակերպվող պարբերական միջոցառումները՝ ընդգծելով, որ դա վկայում է Ֆրանկոֆոնիայում Հայաստանի ներգրավվածության խորության մասին։
Շնորհակալություն հայտնելով ընդունելության համար՝ Ֆրանկոֆոնիայի խորհրդարանական վեհաժողովի քաղաքական կոմիտեի ղեկավարը բարձր գնահատեց Հայաստանի արժեքավոր ներդրումը ֆրանկոֆոնիայի սկզբունքների և արժեքների առաջմղման գործում։ Քրիստոֆ-Անդրե Ֆրասան Էդվարդ Նալբանդյանին տեղեկացրեց Ֆրանկոֆոնիայի ԽՎ քաղաքական կոմիտեի երևանյան նիստի քննարկվելիք հարցերի վերաբերյալ։
Զրույցի ընթացքում հանգամանալից մտքեր փոխանակվեցին Ֆրանկոֆոնիայի երևանյան գագաթաժողովի և ՖՄԿ կանոնադրական մարմինների նիստերի, հարակից միջոցառումների նախապատրաստական աշխատանքների շուրջ։
Նախարար Նալբանդյանն ու ֆրանսիացի խորհրդարանականները անդրադարձան հայ-ֆրանսիական առանձնաշնորհյալ հարաբերություններին, Հայաստանի և Ֆրանսիայի օրենսդիր մարմինների միջև ակտիվ փոխգործակցությանը։