Հարձակում՝ Դանիայում Թուրքիայի դեսպանատան վրա

Դանիայի մայրաքաղաք Կոպենհագենում Թուրքիայի դեսպանատան վրա հարձակում է տեղի ունեցել: Ըստ Demokratahber-ի՝ հարձակումն իրականացնող 4 անձինք մոլոտովյան կոկտեյլներ են նետել շենքի ուղղությամբ:

Դեպքի վայր ժամանած ոստիկանությունը տեղեկություն չի հաղորդել հարձակումն իրականացնողների ինքնության վերաբերյալ: Միջադեպի հետևանքով զոհեր կամ վիրավորներ չեն եղել, սակայն դեսպանատան շենքը վնաս է կրել:

Թուրքիայի դեսպանատունը դեպքի մասին դեռևս հայտարարություն չի տարածել:

Հիշեցնենք, որ նախորդ շաբաթ նմանատիպ հարձակում էր նաև տեղի ունեցել Գերմանիայում: Հարձակումն իրականացնողները նույնպես կիրառել էին մոլոտովյան կոկտեյլներ: