Այդ քվեարկության գլխավոր արդյունքն իմ ու մեր թիմի համար 1 միլիոն ձայնն է. Սոբչակ

Հաղորդավարուհի Քսենյա Սոբչակը նախագահական ընտրությունների գլխավոր արդյունքն իր համար համարում է Ռուսաստանի 1 միլիոն քաղաքացիների կողմից ստացած աջակցությունը. հայտնում է РИА Новости-ն:

«Այդ քվեարկության գլխավոր արդյունքն իմ ու մեր թիմի համար 1 միլիոն ձայնն է. միլիոն մարդ աջակցել է մեր արժեքներին: Դա մեծաթիվ հիանալի, ոչ անտարբեր քաղաքացիներ են: Եթե միլիոն մարդ մեզ հետ կուսակցություն ստեղծի, մենք կփոխենք Պետական դուման: Եթե միլիոն մարդ դուրս գա խաղաղ հանրահավաքի, մենք կփոխենք երկիրը»,- գրել է նա Instagram-ում:

Նշենք, որ քվեաթերթիկների 99 տոկոսի մշակումից հետո Սոբչակը հավաքել է ձայների 1,67%-ը: