7 օր, 7 գիշեր կընտրեն. «Հրապարակ»

«Հրապարակ» թերթը գրում է. «Առաջիկայում ԱԺ-ն ձեռնամուխ կլինի նաեւ երկրի ամենաանկախ մարմնի՝ Բարձրագույն դատական խորհրդի ընտրությանը։ Խորհուրդը կազմված է տասն անդամից․ հինգ անդամներն առաջադրվում են դատավորների ընդհանուր ժողովի կողմից, հինգին առաջադրում են ԱԺ խմբակցությունները։

Ընտրության «նրբությունն» այն է, որ խմբակցություններն իրավունք ունեն առաջադրել հնգական թեկնածու, ասել է թե՝ եթե խորհրդարանական բոլոր խմբակցությունները նման որոշում կայացնեն, թեկածուների թիվը կլինի 20՝ գումարած դատավորների կողմից առաջադրվածները՝ 25։

Խորհրդի անդամների ընտրությունը փակ-գաղտնի է, ընտրված խորհուրդն էլ իր կազմից ընտրում է խորհրդի նախագահին։ Գագիկ Հարությունյանի՞ն՝ հարցրինք։ «Դեռ վերջնական որոշում չկա»,- պատասխանեցին»:

Մանրամասն՝ թերթի այսօրվա համարում: