Քիմ Քարդաշյանը դարձյալ մայրացել է

Ծնվել է Քիմ Քարդաշյանի և ռեփեր Քանյե Ուեսթի երրորդ՝ աղջիկ զավակը:

Ինչպես տեղեկացնում է The Sun-ը՝ երեխան լույս աշխարհ է եկել ամսի 16-ին փոխնակ մոր միջոցով:

«Ես և Քանյեն ուրախ ենք հայտարարել, որ առողջ լույս աշխարհ է եկել մեր գեղեցիկ դուստրը: Մենք անչափ շնորհակալ ենք մեր փոխնակ մորը, ով իրականացրեց մեր երազանքը՝ մեզ շնորհելով լավագույն նվերը: Շնորհակալ ենք նաև մեր բժիշկներին և բուժքույրերին՝ հատուկ խնամքի համար: Նորթն ու Սեյնթը ոգևորված են՝ դիմավորելու իրենց փոքրիկ քրոջը»,- հայտարարել է Քիմը:

Նորածնի նկարը, ինչպես նաև անունը դեռևս չի հրապարակվում:

Նշենք, որ հայտնի զույգը դիմել էր փոխնակ մոր օգնության, քանի որ երկրորդ երեխայի՝ Սեյնթի ծննդաբերության ժամանակ Քիմը կանգնել էր լուրջ վտանգի առաջ: Հետագայում հղիանալը, նրա խոսքով, կսպառնար նաև իր կյանքին: