Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
«Ծառուկյան» խմբակցության պատգամավոր, նախկին վարչապետ Հովիկ Աբրահամյանի որդի Արգամ Աբրահամյանն այսօր խորհրդարանում լրագրողների հետ զրույցում նշեց, որ սուտ են այն լուրերը, թե Հովիկ Աբրահամյանի և Գագիկ Ծառուկյանի հարաբերությունները լարվել են:
Անդրադառնալով մամուլում եղած հրապարակումներին, թե վերջերս Հովիկ Աբրահամյանը հանդիպել է նախկին վարչապետ Տիգրան Սարգսյանի հետ` Արգամ Աբրահամյանը չհերքեց՝ ընդգծելով, որ թեև ինքը տեղյակ չէ, բայց չի բացառում, որ կարող է նման հանդիպում տեղի ունեցած լինել։ «Ես տեղյակ չեմ, բայց հնարավոր է։ Ի՞նչ կա դրա մեջ», - նշեց նա։
Հարցին՝ հնարավո՞ր է, որ առաջիկայում Հովիկ Աբրահամյանը պաշտոն ստանձնի, և արդյո՞ք դրան խանգարող բան չկա, Արգամ Աբրահամյանը պատասխանեց, որ դրան խանգարող բան չկա։
Հարցին` արդյո՞ք Աբրահամյանների բիզնեսներն այլևս վտանգի տակ չեն, պատգամավորը պատասխանեց. «Վտանգ չի էլ եղել, որ անցնի»։