Կարևոր չի, որ 8 ժամ գտնվես ԱԺ-ում. Ծառուկյանը` իր բացակայությունների մասին

Խորհրդարանում լրագրողների հետ զրույցում «Ծառուկյան» դաշինք» խմբակցության ղեկավար Գագիկ Ծառուկյանն անդրադարձավ իր և Իշխան Զաքարյանի հարաբերություններին: Մասնավորապես` հարցին՝ ի՞նչ հարաբերությունների մեջ եք, արձագանքեց, թե կոռեկտ չի համարում պատասխանել այդ հարցին: «Ո՞ւր է պարոն Զաքարյանը, իրենից հարցրեք: Եես կոռեկտ չեմ համարում այդ հարցին պատասխանել»,- ասաց նա:

Հարցին`արդյո՞ք 6-րդ գումարման աշնանային նստաշրջանում նրան հաճախ կտեսնենք, Ծառուկյանը պատասխանեց, որ դրա հետ կապ ունի իր զբաղվածությունը: «Ես գալիս-գնում եմ, դա կապ ունի միայն զբաղվածության հետ: Թե չէ` միշտ մեր ֆրակցիայով քննարկում ենք: Կարևոր չի, որ անպայման պիտի գաս ու 8 ժամ նստես, կարևորը` արդյունք լինի, քննարկումներ լինեն»,- արդարացավ նա: