Վրաստանում Թուրքիայի պահանջով ուսումնական հաստատություններ են փակվում. Независимая газета

Վրաստանի կրթության և գիտության նախարարությունը Թբիլիսիում 1993 թվականից գործող` Սուլեյման Դեմիրելի անվան քոլեջին զրկել է գործունեության արտոնագրից: Պարզաբանման համաձայն՝ այդ ուսումնական հաստատության ստուգման ընթացքում հայտնաբերվել են մի շարք խախտումներ: Ավելի վաղ Բաթումում նմանատիպ պատճառով արտոնագրից զրկվել է Ռեֆայդին Շահինի անվան դպրոցը: Վրաստանի իշխանությունների գործողությունները Թուրքիայում և արտասահմանում թուրք ընդդիմադիր Ֆեթհուլլահ Գյուլենի կազմակերպությունների հետ կապված ուսումնական հաստատությունների ցանցի վերացման` Անկարայի «ծրագրի» մեջ են մտնում. գրում է Независимая газета-ն:

Ըստ թերթի` Դեմիրելի անվան քոլեջի գլխին սև ամպեր էին կուտակվել մայիսին` Վրաստան Թուրքիայի վարչապետի այցից հետո: Արդեն վարչապետի մեկնելու հաջորդ օրը վրաց իրավապահները ձերբակալեցին Էմրե Չաբուկին, ով Թուրքիայի քաղաքացի է և կառավարում էր քոլեջը: Նրան մեղադրեցին Թուրքիայում 2016-ի չստացված հեղափոխությանը մասնակից լինելու մեջ: 

Թերթը հավելում է, որ վրացական իշխանությունները հերքում են դպրոցների փակման ու այդ իրադարձությունների միջև կապը:

Վերոհիշյալ հաստատությունների փակվելուց հետո երկրում գործում է 4-5 թուրքական դպրոց: