Կորեական թերակղզում իրավիճակը մասշտաբային կոնֆլիկտի շեմին է. Պուտին

Չինաստանում սեպտեմբերի 4-5-ը կայանալիք BRICS գագաթաժողովին ընդառաջ` հրապարակվել է Ռուսաստանի նախագահ Վլադիմիր Պուտինի հոդվածը՝ «BRICS՝ դեպի ռազմավարական գործընկերության նոր հորիզոններ». հայտնում է Коммерсантъ-ը:

Հոդվածում  Պուտինը նաև ուշադրություն է հրավիրում Կորեական թերակղզում ստեղծված իրավիճակին, որը վերջին ժամանակներս «սրվել է և մասշտաբային կոնֆլիկտի շեմին է»:

«Հաշվարկը, թե կարելի է ԿԺԴՀ-ի հրթիռամիջուկային ծրագրերը կանգնեցնել, բացառապես Փհենյանի վրա ճնշում գործադրելով, սխալ է և անհեռանկարային»,- գրում է նա:

Պուտինը հավելում է, որ Ռուսաստանը Չինաստանի հետ մշակել է Կորեական թերակղզում իրավիճակի կարգավորման «ճանապարհային քարտեզ»: