Բաքուն փակում է ռուսական «Սպուտնիկ» ռադիոկայանը

Ռուսական «Սպուտնիկ» ռադիոկայանը դադարեցնում է գործունեությունը Ադրբեջանում: Այդ մասին հայտնում է haqqin.az-ը` ռադիոյի աշխատակիցներին հղումով:

Ադրբեջանի դժգոհությունն առաջացնում է այն, որ «Սպուտնիկ»-ը «Россия сегодня» միջազգային գործակալության նախագիծն է, իսկ գործակալության գլխավոր խմբագիրն է ազգությամբ հայ Մարգարիտա Սիմոնյանը: Կայքը նշում է, որ Սիմոնյանը Ռուսաստանում հայ համայնքի ամենաակտիվ ներկայացուցիչն է և քարոզում է Հայոց ցեղասպանության ճանաչում:

Դրանից բացի` հայտնի է դարձել, որ Ադրբեջանի հեռուստահեռարձակման հարցով ազգային խորհուրդը որևէ թույլտվություն չի տվել, որ երկրում գործեն ռուսական ռադիոկայաններ: