Հանձնարարական ջրամբարաշինարարության ծրագրերի վերաբերյալ

Այսօր կառավարության նիստում վարչապետ Կարեն Կարապետյանը հանձնարարական տվեց փոքր ջրամբարաշինարարության ծրագրի իրականացման մասին։ Ջրային ռեսուրսների ոլորտում խնդիր է դրված` ջրային ռեսուրսները խիստ արդյունավետ կառավարել, որը սերտ կապ ունի գյուղացիական տնտեսությունների զարգացման հետ։ Ջրային ռեսուրսների արդյունավետ կառավարման ռազմավարության շրջանակներում նոր լուծումների մշակումը դառնում է խիստ անհրաժեշտ, մասնավորապես` առանցքային դերակատարություն կարող է ստանձնել միջին և փոքր ջրային հոսքերի ամբարումը։

Վարչապետը հանձնարարեց Ջրային տնտեսության պետական կոմիտեի նախագահին` երկամսյա ժամկետում կատարել համապատասխան ուսումնասիրություններ և, համատեղ քննարկելով գործադիրի այլ օղակների հետ, կառավարության աշխատակազմին ներկայացնել հանրապետությունում միջին և փոքր ջրամբարաշինարարության ծրագրերի իրականացման վերաբերյալ առաջարկություն։